ಸಾಕ್ಷಿಯಪಥದಲ್ಲಿ....

ಸಾಕ್ಷಿಯಾಗಿರುವುದು, ಸಾಕ್ಷಿಯನ್ನು ಕಂಡುಕೊಳ್ಳುವುದು ಅಧ್ಯಾತ್ಮವೇ ಹೊರತು ದೇವರನ್ನು ಅನ್ವೇಷಿಸುವುದು ಅಧ್ಯಾತ್ಮವಲ್ಲ.
ಪ್ರಾಚೀನರು ಈಶ್ವರಾನ್ವೇಷಣೆಗೆ ಹೊರಟದ್ದಿಲ್ಲ. ಸಾಕ್ಷಿಯಾಗಿರುವುದನ್ನು ಕಂಡುಕೊಳ್ಳಲು ಯತ್ನಿಸಿದ್ದಾರೆ. ಯೋಗನಾದರೂ ಅಷ್ಟೇ. ಆಗ ಮಾತ್ರವೇ ಯೋಗವಾದವು ಅಧ್ಯಾತ್ಮ ಎನಿಸೀತು. ಈಶ್ವರನನ್ನಾದರೂ ನಿರಾಕರಿಸಲಾದೀತು. ನಿರೀಶ್ವರರು ನಿರಾಕರಿಸಿದ್ದಾರೆ. ಆದರೆ ಸಾಕ್ಷಿಯನ್ನಾರಿಗೂ ನಿರಾಕರಿಸಲಾಗಲಿಲ್ಲ. ಬುದ್ಧನಿಗೂ ಆಗಿಲ್ಲ. ಮಹಾವೀರನಿಗೂ ಆಗಿಲ್ಲ. ಚಾರುವಾಕನಿಗೂ ಆಗಿಲ್ಲ. ಸಾಕ್ಷಿಯನ್ನು ಎಂತು ನಿರಾಕರಿಸುವುದು.